Apadriñamento lector
Dentro das actividades da Semana do Libro, este xoves volvemos facer no cole un apadriñamento lector. As nenas e os nenos maiores contaron contos aos máis pequenos e foi unha experiencia moi gratificante.
Entradas
Visita á residencia Santa Teresa da Cañiza
As nenas e os nenos de terceiro e quinto, para celebrar a Semana do Libro, foron ler un conto ás persoas maiores que viven na residencia Santa Teresa da Cañiza.
Charlas interesantes!
Dentro do Plan Director contamos con charlas moi necesarias. Hoxe faláronnos sobre temas tan interesantes como a igualdade de xénero e a protección do medio ambiente.
Ciencia en movemento!
Como cada curso, estes días recibimos unha visita moi científica. As nenas e os nenos de quinto e sexto desfrutaron con experimentos e explicacións científicas, relacionadas ademais coa temática dos superheroes.
Comprobamos densidades
As nenas e os nenos de quinto deseñaron un experimento cun densímetro caseiro para comprobar se os flocos de millo crus son máis ou menos densos ca os cociñados no microondas. Ademais de comprobar a nosa hipótese tivemos a sorte de degustar os flocos.
Pingüín!
Hoxe as nenas e os nenos máis peques do cole foron de excursión a Vigo. Alí, alumnas e alumnos de Infantil desfrutaron da obra 'Pingüín', ofertada por Afundación!
Día da árbore
O pasado xoves realizamos unha excursión polos montes próximos ao cole. Como cada ano, plantamos árbores e ademais tivemos a oportunidade de observar como soltaban unha aguia. Para rematar démoslle unha bonita sorpresa ao noso anterior director, Javier! Na actividade colaboraron a comunidade de montes en man común Sta Maria de Arbo e o colectivo Máis Monte. Grazas!