CEIP ANTONIO CARPINTERO

 Hoxe tivemos no cole unha visita moi especial. Durante a xornada de hoxe tivemos a sorte de aprender moitíiiiismo sobre o proceso de producción da mel, sobre a importancia de das abellas para o medioambiente ou sobre as fantásticas propiedades deste doce tan saboroso como saudable...😋 ENCÁNTAME O MEL!!

Temos o placer de anunciar que hai unha marabillosa escritora en 4° de Educación Primaria!!! 👏🏽👏🏽 e que mellor día para o estreno que o DÍA DO LIBRO???  Noraboa Mara!

 Con motivo da celebración do día do libro, o alumnado de sexto tivo unha cita a cegas moi especial. Pensades que se namorarían?  

 E quen dixo que non se podía traballar a reciclaxe mentres se pasaba ben e se aprendía unha morea de cousas novas?? Pois aquí vos queda a proba do "delito"!

 Pois claro que si! Que profe Mari é toda unha profesional en traballar a competencia lingüística xa o sabíamos. Aquí vos deixamos unha pequena mostra do ben que o pasan na súa aula...

 Deixamos unha pequena presentación onde podemos ver o ben que o pasou o alumnado de cuarto durante a celebración do día do libro .  "O que le moito e anda moito, ve moito e sabe moito" Miguel de Cervantes

Os nosos alumnos seguen aprendendo con SOGAMA...Desta vez viron vídeos sobre a importancia da reciclaxe, debateron sobre a regla das 3 R, comprobaron se facían bo uso dos colectores de clase e baleiraron os colectores nas illas centrais. GRAN TRABALLO E NORABOA!! 

Así se divirten as Formigas de 3 anos preparando as súas merendas saudables. Bo proveito!😋

 A alimentación saudable é sempre un elemento clave para a formación do noso alumnado e é por iso polo que incidimos neste aspecto dende infantil ata o remate da primaria. Neste vídeo deixámosvos unha mostra de como traballamos este elemento de tanta relevancia cos máis "pequenos" do cole.

 Con motivo da celebración do Día da Árbore, a totalidade do alumnado do noso cole tivo unha xornada moi especial. O alumnado de infantil pasou o día disfrutando da natureza que temos no noso cole mentras que o alumnado de primaria aventurouse a facer unha pequena ruta de sendeirismo descubrindo novos recunchos da nosa contorna...ah! e o máis importante! todos e todas contribuímos plantando novas árbores que darán osíxeno e alegría ás nosa vidas...FELIZ DÍA DA ÁRBORE!!! MOITÍSIMAS GRAZAS POLA IMPAGABLE COLABORACIÓN Á COMUNIDADE DE MONTES DE ARBO E AO COLECTIVO "MÁIS MONTE"

 O alumnado de quinto, con motivo da celebración do Día Internacional da Muller, fixo un pequeno (pero marabilloso) percorrido por algunhas mulleres relevantes en diferentes ámbitos e dende diversas perspectivas. Non vos perdades o vídeo porque non ten desperdicio!!!!!!!