CEIP ANTONIO CARPINTERO

Este venres celebramos un día especialmente importante, o día da eliminación da violencia contra a muller. Durante as últimas semanas expuxemos unha selección de material sobre igualdade e hoxe saímos o patio con algunha prenda violeta e coas uñas pintadas desa cor para gardar un minuto de silencio e representar o símbolo das mulleres.

En quinto de primaria analizamos a letra da canción infantil  Antes de almorzar   e debatemos sobre o seu ton machista. Despois escoitamos e vimos o vídeo do tema  Así bailaba,  de Rigoberta Bandini e Amaia, no que lle dan a volta a esa canción cun enfoque feminista. As nenas e nenos plasmaron a súa visión nunha cartolina violeta, como non podería ser doutro xeito!

As formigas conmemoran o 25-N cun canto á LIBERDADE. "No entiendo otro concepto de libertad que no sea el de vivir sin miedo." Becky N.

No obradoiro de baile, con vasos de plástico, traballamos a coordinación e o ritmo. Practicamos unha danza medieval ( O baile do oso ) e empezamos a ensaiar unha coreografía para o festival de Nadal.

No obradoiro de experimentos empregamos o microscopio para observar pelo, distintos tipos de fíos, letra impresa dun xornal e, o que máis nos gustou, un protozoo que atopamos na auga estancada do patio do colexio!                                                          

Hoxe foi un día moi especial no cole, pois volveron os obradoiros que foran interrompidos pola pandemia. No de teatro houbo xogos dramáticos e actividades de expresión corporal! Ademais comezamos a preparar unhas pequenas e divertidas obras!                                      

Hoxe tivemos no cole unha actividade organizada pola Secretaría Xeral de Igualdade. Explicáronnos cousas interesantes sobre a violencia de xénero e tamén xogamos para comprobar os nosos coñecementos.

Esta semana, en quinto realizaron as exposicións do traballo A vida na Terra , no que tiveron que buscar información para explicar que é un ser vivo, como é a súa estrutura e como se poden clasificar. Parabéns!                      

Escarlatina, a cociñeira defunta é un excelente libro da autora galega Ledicia Costas. As nenas e os nenos de quinto leron o libro e realizaron un resumo e unha crítica que posteriormente gravamos.  

Este martes @s alumn@s de 1º e 2º viaxaron a Vigo para gozar dunha xornada de teatro inesquecible. “La aventura de aburrirse” é un espectáculo de monicreques no que   nos presentan a Rita, unha nena, que a pesar de ter moitos xoguetes, sempre se aburre e non sabe xogar sola. Este espectáculo pretende motivar a creatividade d@s nen@s, así como reflexionar sobre a xestión do tempo e a cantidade de xoguetes e regalos que teñen na casa. Pasárono en grande J

As nenas e os nenos de cuarto de primaria baixaron a biblio a xogar coa lingua!

Hoxe tivemos un fantástico día de sol para celebrar o magosto e gozar comendo unhas saborosas castañas e xogando a uns divertidos xogos!