Charla sobre acoso escolar
Dentro do Plan Director, recibimos a visita dunha profesional da Garda Civil que nos deu unha importantísima e necesaria charla sobre acoso e ciberacoso.
Entradas
Chegou o Magosto!
Hoxe pasámolo xenial celebrando o Magosto por todo o alto. Comemos un montón de castañas e bolos con chourizo, as nenas e nenos de primeiro e segundo queimaron os seus medos e para rematar xogamos todas e todos xuntos! Agradecémoslle moito a súa imprescindible colaboración á ANPA A LUMBRE!
Cross escolar
Este mércores desfrutamos dunha divertidísima xornada de deporte escolar, dentro do programa Xogade. Ademais de pásalo moi ben, as nosas nenas e nenos subiron varias veces ao podio! Parabéns!
Samaín no cole!
Un curso máis, deixámosvos un pequeno resume do noso terrorífico día de Samaín no cole. A pesar do monstruoso que foi parece que non o pasamos tan mal...
Samaín en sexto!
O alumnado de sexto celebrou o seu derradeiro Samaín na etapa de Primaria cunhas actividades terroríficas e unhas merendas arrepiantes.
Os máis pequenos celebran o Samaín
Os máis pequenos realizaron algunhas terroríficas actividades de Samaín.
Obradoiro de cabazas
As nenas e os nenos de quinto e sexto fixeron unhas magníficas cabazas que venderán para recolectar diñeiro para a excursión de fin de curso!
Historias de medo!
As nenas e nenos de quinto prepararon unhas terroríficas historias para Samaín! Que medo!
Coroa e receita de Samaín!
Está próximo o Samaín e, para celebralo, os nenos e nenas de 3º de Educación Primaria fixeron un vídeo para ensinarnos a elaborar terroríficas pero tamén moi saborosas receitas. Asemade, se queremos decorar as nosas casas nese día, o alumnado de 4º creou un titorial moi completo para facer unha monstruosa coroa de Samaín. Parabéns polo traballo ben feito! Animarémonos con algunha destas ideas para ver que sae!
Obradoiro afectivo-sexual
As alumnas e alumnos de cuarto e quinto de Primaria participaron nun obradoiro afectivo-sexual organizado por Talentea.
Día das Bibliotecas
Este mércores, para celebrar o Día das Bibliotecas, contamos coa visita do grupo teatral Migallas, que presentou un espectáculo sobre o poder e a maxia dos libros.
Superheroes e superheroínas con retinoblastoma
Este ano convertémonos nunha escola con súper poderes, sendo conscientes de que os poderes máis importantes non son visibles aos ollos. Cada un de nós temos súper poderes que nos fan únicos e especiais, como o respecto, a tolerancia, a empatía, a aceptación… Durante este curso demos visibilidade ao retinoblastoma e para iso fixemos un taller de cómic promovendo a inclusión de todas as nenas e nenos nas aulas, porque todas e todos somos diferentes e, por iso, especiais.
