CEIP ANTONIO CARPINTERO

Este ano convertémonos nunha escola con súper poderes, sendo conscientes de que os poderes máis importantes non son visibles aos ollos. Cada un de nós temos súper poderes que nos fan únicos e especiais, como o respecto, a tolerancia, a empatía, a aceptación… Durante este curso demos visibilidade ao retinoblastoma e para iso fixemos un taller de cómic promovendo a inclusión de todas as nenas e nenos nas aulas, porque todas e todos somos diferentes e, por iso, especiais.                                                                                                          

As Formigas remataron o curso coa eiruga glotona!   

Rematamos o curso xogando e cantando!                        

Grazas ao Concello de Arbo, a Comandancia da Garda Civil de Tui e o Posto de Arbo por organizar no noso cole unha xornada na que nenas e nenos aprenderon moitos aspectos do funcionamento da Garda Civil. Participaron tamén o CEIP Plurilingüe Manuel Sieiro de Crecente, o CEP Carlos Casares de Salvaterra, o Punto de Atención á Infancia de Arbo e o EVD de Crecente.                            

A comunidade Orgullo Galego chegou ao noso cole para falarnos sobre o interesante papel do noso idioma nas redes sociais e sobre distintos aspectos da nosa cultura.

O noso grupo Ditirambo teatro volveu representar 'O enfermo imaxinario', esta vez nun marco moi especial, a Igrexa da Magdalena, en Ribadavia Actuamos no I Encontro de Teatro Infantil organizado pola Asociación Cultural Valparadiso e o Concello de Ribadavia. 

Grazas ao Concello de Arbo por permitirnos desfrutar da actuación de Caxoto, un artista con moito conto!

Estamos encantados co novo graffiti adicado a igualdade que elaborou @rolartdesign.                      

 

Moitísimas grazas ao Centro Hípico de Melgaço por permitirlles a nenas e nenos gozar dunha marabillosa xornada montando a cabalo! E especialmente a Jose pola súa paciencia e por deixarnos coa boca aberta ao comprobar a súa destreza e a do seu fermoso cabalo!