CEIP ANTONIO CARPINTERO

Celebrar o 25N é algo imprescindible, e no noso centro démoslle a importancia que merece. Xuntámonos arredor do símbolo contra a violencia de xénero, feito con pedras decoradas, e as nenas de quinto e sexto leron un manifesto e un poema para concienciarnos a todas e a todos da importancia desta loita.                                                

Hoxe chegou ao noso centro a compañía Medievándalos. Representaron unha divertida obra que fomenta a igualdade. Valentina é una princesa destinada a ser a próxima raíña, pero para iso terá que buscar un cabaleiro que sexa rei... ou non? Non pode ela gobernar e guerrear igual que un home?         

O alumnado de sexto preparou unha canción en linguaxe de signos para conmemorar o Día Internacional contra a Violencia de Xénero. Oxalá a súa mensaxe chegue a todo o mundo.

Dentro do Plan Director, recibimos a visita dunha profesional da Garda Civil que nos deu unha importantísima e necesaria charla sobre acoso e ciberacoso.

Hoxe pasámolo xenial celebrando o Magosto por todo o alto. Comemos un montón de castañas e bolos con chourizo, as nenas e nenos de primeiro e segundo queimaron os seus medos e para rematar xogamos todas e todos xuntos!  Agradecémoslle moito a súa imprescindible colaboración á ANPA A LUMBRE!           

Este mércores desfrutamos dunha divertidísima xornada de deporte escolar, dentro do programa Xogade. Ademais de pásalo moi ben, as nosas nenas e nenos subiron varias veces ao podio! Parabéns!                                                                            

Un curso máis, deixámosvos un pequeno resume do noso terrorífico día de Samaín no cole. A pesar do monstruoso que foi parece que non o pasamos tan mal...

As nenas e os nenos de sexto tamén prepararon unhas historias terroríficas!

O alumnado de sexto celebrou o seu derradeiro Samaín na etapa de Primaria cunhas actividades terroríficas e unhas merendas arrepiantes.

Así comenzamos un novo curso cheo de grandes aventuras!

Os máis pequenos realizaron algunhas terroríficas actividades de Samaín.