CEIP ANTONIO CARPINTERO

Este xoves celebramos o Nadal bailando, cantando e cos nosos mellores desexos! E, para rematar, desfrutamos cunha saborosa chocolatada!

O pasado venres, co gallo da conmemoración do Día Internacional das Persoas con Discapacidade que se celebrou o 3 de decembro, tivemos a gran sorte de contar no noso centro cunhas invitadas marabillosas do centro residencial E.V.D. Galicia de Crecente. Xuntos co noso alumnado, decoraron uns fermosos paraugas cos que participamos no concurso "Baixo o mesmo paraugas", que se celebrou o pasado domingo en Vigo co obxectivo de reivindicar os dereitos das persoas con discapacidade.  Foi unha actividade moi emocionante e enriquecedora onde puxemos en valía a importancia da diversidade e a tolerancia e o respecto cara todas as persoas.

Para conmemorar o 25N, na clase de terceiro fixeron un mural para colocar na porta da aula co lema "Coas nosas mans...", e serviulles para traballar conceptos en contra da violencia de xénero.

Hoxe conmemoramos o Día Internacional para a Eliminación da Violencia contra as mulleres. Uns pergamiños cos desexos de nenas e nenos serviron para decorar a entrada do cole.  No emotivo acto realizouse a lectura dun manifesto, o recitado dunha poesía e unha canción púxolle ritmo a este día tan importante!

Esta semana desfrutamos de dúas xornadas de cross en Ponteareas, dentro do programa XOGADE. Nenas e nenos de terceiro a sexto participaron en distintas carreiras con outros coles da zona. E gañaron algunha medalla!                                           

Os alumnos de primeiro e segundo asistiron este martes en Vigo á representación da obra 'Vaia ritmo'. E, aproveitando a ocasión, foron ata a Porta do Sol para ver como ían os preparativos das famosas luces de Nadal.             

Nos cursos de quinto e sexto realizouse un obradoiro no que se trataron aspectos interesantes sobre a sexualidade.

Este venres celebramos o Magosto comendo castañas e choripáns! Ademais, nenas e nenos xogaron no pavillón e demostraron as súas dotes como bailaríns e músicos!                                                                 

Hoxe tivemos a oportunidade de aprender sobre temas tan importantes como o acoso escolar ou a seguridade necesaria ao tratar coas novas tecnoloxías.

Os nenos e as nenas de quinto aproveitaron a festa do Samaín para traballar as mates e as linguas terroríficas. Fixérono tan de medo que tiveron unha gran recompensa (merenda e xogos)!

Para celebrar o Samaín as nenas e nenos de cuarto fixemos madalenas de cabaza ataviados coas nosas galas máis aterradoras! Quedáronnos terroríficamente boas!

En terceiro quixeron festexar o Samaín realizando un marabilloso audioconto titulado 'A bruxa regañadentes'. Estupendo traballo!

As nenas e nenos de quinto realizaron unha actividade ben bonita e inclusiva: sinaron unha canción do Samaín moi coñecida por todos: 'O Samaín'. Como nos din... "coidado, coidado, que xa están aquí".

Celebramos entre libros o Día das Bibliotecas con actividades moi divertidas!